Archive for October, 2013

મધુમાલતી અને હું

Posted in કાવ્યો by saryu on October 26th, 2013

Image

મધુમાલતી અને હું

મધુમાલતી મહોરી મારા આંગણામાં આજ,
એના મસ્તાના રંગ ભરે મૈયરની યાદ.
કંઈ  વર્ષો  પહેલાની   સવાર    હતી,
ત્યાં  એકલી  અટૂલી  ગુલતાન હું  હતી.

લીલી ચાદરમાં  બેઠી  ચૂપચાપ એ કળી,
એને જલ્દી ખીલવાની ના ઝંખના હતી.
સમીર લ્હેરખી કહીંથી એને સ્પર્શી ગઈ,
એના  બહેકાવે હળુ હળુ ખીલતી  ગઈ.

સહજ શૃંગારે ફૂલગુલાબી શોભતી રહી,
કળી શ્વેત ને ગુલાબી  મીઠું મલકી રહી.
લાલ ચૂંદડી  ઓઢીને રમણ  રમતી રહી.
ઘેરા લાલ  ચટક  રંગમાં એ હસતી રહી.

                                          એવી મધુમાલતી મગન ઝૂલી ફરી,                                          
     પ્રથમ શ્વેત ને ગુલાબી પછી લાલી ભરી.     
 હવે ધીમે ધીમે લાલ રંગ તજતી હતી,
 સૌમ્ય સંધ્યાના રંગોમાં ભળતી હતી.

 

 

 

સમયની બલિહારી

Posted in કાવ્યો by saryu on October 23rd, 2013

સમયની બલિહારી

ખર્યું  ફૂલ  ‘ગઈ’  કાલ, બંધ કળી  ‘આવ’કાલ,
પૂર્ણ ખીલ્યા ખરા ‘આજ’ની તુંસુરખી નિહાળ.

મળ્યો  દેહ  નવ  નકોર, લેને  તું  હસ્ત  દોર,
વહ્યો પ્રેમ  ઝરો  જાય, ભીંજવ  હૈયાની  કોર.

વચન વાત, તન વિહાર,અદ્રશ મનના વિચાર,
મનુષ્ય જાય મૂકી છાપ, આપ  કર્મના  ચિતાર.

ભ્રમર  ભમે  ફૂલ ફૂલ,  ફળે ગુપ્ત ગહન  અંશ,
જીવન અલ્પ બને કલ્પ, અંજળ  લંબાવે વંશ.

કાળચક્ર   ગતિમાન,    ફરે   ચરખા  સમાન,
અર આગિયાના તેજ  સમું  આળું અભિમાન.

ઉર  અંધારા  માંય   સ્વપ્નસાર જીવન  જાય,
જાગ, જાગૃત જ્વલંત સમય ધ્યાનમાં જિવાય.

                                                                                                                                                                                   ——-

| Comments off

ચન્દ્ર સૂરજ મિલાપ

Posted in કાવ્યો by saryu on October 19th, 2013

Photo

 

ચન્દ્ર સૂરજ મિલાપ

અંધારી રાતની આડમાં સવાર હતી,
તારલાના તેજની આછી અણસાર હતી,
કેમ ચન્દ્રમા સુવાનું ભૂલી ગયો!

કેવી હરિયાળી મૌસમ મહોરી હતી,
મૃદુ ટહૂકાથી નિંદર બોલાવતી હતી,
કહીં ગુંજનના દોર પર ઝૂલી ગયો!
 
 અણજાણી આજ એની ચાલ જો હતી.
મંદ ઠંડી હવામાં ભીનાશ તો હતી.
ચાંદ શ્રાવણ બનીને ઝરી ગયો.

આંગણમાં નજર એની આંબતી હતી.
સકળ મ્હેક મ્હેક માનિની ચાંદની હતી.
ચંદ્રકોર ચૂમી મોગરો ખીલી ગયો.

હવે સમજી કે રાહ એને કોની હતી.
આભ ખોલી ગુલાબી અસવારી હતી.
ચંદ્ર જતાં જતાં સૂર્યને મળી ગયો.

———-
| Comments off


Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.