Archive for January, 2018

ખીલું ખીલું

Posted in કાવ્યો by saryu on January 16th, 2018

ખીલું ખીલું

 હતું  ગીત  કો અધૂરું  ઘર સૂનું સૂનું,
બધું  લાગતું  હતું  જરાક  જૂનું જૂનું.

 આજ દિલમાં ગાયે  કોઈ ધીમું ધીમું,
હાસ્ય હોઠમાં  છુપાવું  હું મીઠું  મીઠું.

 સખા, સુખડ સુવાસે મન ભીનું ભીનું,
ઝરે ઝાકળ ઝીણેરી તેને ઝીલું ઝીલું.

 ફરી હેતલ  હરિયાળીમાં લીલું લીલું,
એની નજરોનો આસવ હું પીઉં પીઉં.

  મારે નયણે સમાય આભ નીલું નીલું,
સ્નેહ  કોમળ  કળી  કહે ખીલું ખીલું.
——



Type in
Details available only for Indian languages
Settings Settings reset
Help
Indian language typing help
View Detailed Help