Archive for March, 2011

અંજુના પગલાં

Posted in કાવ્યો by saryu on March 20th, 2011


પૌત્રી સુફીયા અંજલી

અંજુના પગલાં

અંકુર  પગલાં  અંજુના   દિલ ગાલિચા  પર  દોડે
પતંગિયા   સી  ઊડતી  આવે,  હોઠેં  મધુ  ચખાડે

રેશમની  અંગુલીઓ   મારી  આંગળીએ  વીંટાળે
વ્હાલે વારે,   જાવા ના દે,    પકડી   ને    બેસાડે

શ્વેત કમળ  સુ  સુંદર  મુખડું  મલકે  મોહ  પમાડે
પલક  પલક  પાલવને  પકડે રંગ તરંગ જગાડે

સ્થીર  કીકી, ને  ભારી  પાંપણ, ઢળે ઢળે ને ખોલે
“ના ના, મુજને ઉંઘ ના આવે”,અર્ધ ઉંઘમાં બોલે

બે  હાથોના  ગુલશનમાં   ખુશ બહાર દોડી આવે
હસુ હસુ  બે  ગાલ  ખીલીને  મીઠો  મનરવ લાવે

હૈયાની   હરિયાળી   રૂમઝુમ  પગલીને    સંચારે
મૃદુ   મુલાયમ  મંજુલ  આહટ   અંતરના ધબકારે

———



Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.