Archive for March, 2012

નેહની લહેર

Posted in કાવ્યો by saryu on March 25th, 2012

નેહની લહેર

સુતર  આંટીની   સમી  આ   ઝિંદગાની,
ખેંચુ  એક   તાર  વળે   ગુંચળે   વીંટાતી.
મન ઝાલે  એક તાર  સોણી  સમજણથી,
ને  હું  ઢીલ  મુકું  ભલાભાવે  રણજણતી.

નેહના  લહેરિયામાં   જાઉં   રે   તણાતી,
અવળી  ધારા  અદલ  પ્રીત  એ જણાતી.
પંખીની  પાંખ  સાથ   વાદળી  વણાતી,
સૂકાની  સાથ  જ્યાં  લીલોતરી  લણાતી.

શાંતિના  સરવરમાં   ઘમઘમતી   ઘુઘરી,
પાંચીકા   પારવી  ને   પગદંડી   ચિતરી.
તાર  તાર   તન્મયતા   કામળી  વણાવી,
એકાંતે  આજ  એની   હુંફંમાં   સમાણી.

                 ——– 

સાધનાના રસ્તે, સમજણ વધે અને અભિમાન ઘટે.
અવળી ધારા=રાધા જેવો, અદલ=સાચા પ્રેમનો અનુભવ.
શાંતચિત્તમાં અનુભૂતિ, રમવાના પાંચીકાનો ઉપયોગ પ્રગતિ માટે કર્યો. સતત પ્રયત્ન. આત્મજ્ઞાન.

| Comments off

અધૂરો મેળાપ

Posted in કાવ્યો by saryu on March 4th, 2012

અધૂરો મેળાપ

સમદરના  ખેલથી   ઉભરતી   રેત,
ધીમે  હેત  ભરી  ઢળતી  એકાંતમાં.
નયણાંની   નાવમાં   ચાલી   લહેર,
આજ  મળવા  નીલમને   નિતાંતમાં.

દ્વારે  ટકોર  ને   દિલમાં   ધબકાર,
મળે   મેઘધનુ  અવની   દિગંતમાં.
ઘેરા  તરંગ  તરી  જાગેલા  સ્વપ્ન,
રહ્યા  અચકાતા  સ્પંદન  એકાંતમાં.

કાળજાની   કોરમાં   હૈયુ   છુપાવ્યું,
પણ  ઓષ્ઠોની  કળી  હસી  અંતમાં.
આંખોથી  આંખની હલચલ સંકેતમાં,
ને   ગુફતેગો   અંતર    એકાંતમાં.

વ્હેણને  વિખેરતી  પંકિત  પરંપરા,
ને  સૂનમૂન   સિસકારા  નિશાંતમાં.
પવન દીયે દોટ, તુટે રેતીનો  મ્હેલ,
ઝૂરે  દિવો  કહીં  ઓજલ  એકાંતમાં.

——-

| Comments off

પ્રીતનો જુવાળ

Posted in કાવ્યો by saryu on March 1st, 2012

પ્રીતનો જુવાળ

પહેલી  પહેલી  પ્રીતનો  જુવાળ,
મત્ત  ઝરણ  બુંદબુંદનો  ઊછાળ,
અલકનંદા    આનંદનો    ફુવાર,
વીજ વ્હાલપનો  મીઠો  ચમકાર…

જો  ઉમંગ  સંગ  રંગનો   નિસાર,
હેત   હેલીનો    રૂદિયે     પ્રસાર,
મધુર  મંદ મંદ  પમરાતો  પ્યાર,
કસક કળીઓને  ઝાકળનો   માર…

રસિક  નયણે  ઈશારા   દિલદાર,
અલી  આછેરી   ઓઢણી   સંવાર,
મુકુલ ભાવુક આ સ્મિતની બહાર,
મદન  મોરલીનો  મંજુલ મલ્હાર…

———

| Comments off


Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.