Archive for November, 2008

માનવ એકતા

Posted in કાવ્યો by saryu on November 28th, 2008

ચિત્રઃ પારુલ પરીખ

માનવ એકતા

જાણું છુ કે,

જાંજવાના   જળ   મહીં  પાણીની   બુંદ  ના  મળે,

સ્વઅર્થી     ચક્ષુમાં    સંવેદન  અશ્રુ    ના    મળે,

ચીનગારી    ઇર્ષા  તણી  ને  હામ   હૈયુ   સૌ   બળે,

અવિદ્યા  વસ્તુ  વર્તુળે  ક્ષેત્ર  ક્ષેત્રજ્ઞ  એક ના મળે.

પ્રભુ બક્ષો,

પરમ   શાંતિ  ધામમાં   ઉત્પાત   કંટક  ના   મળે,

સૂર્યના  સ્નેહ  ઉજાસમાં  રાત  કાલિમા   ના  મળે,

મહાસાગરના  નીરમાં  મોજાની  ભિન્નતા ના મળે,

ને, અનંત  અભેદ  સત્યમાં   માનવ  એકતા   મળે.


મૃત્યુના   આવતા  પહેલા,  પૂરો   ઉપયોગી  બનું.

અમાનુષ  કૃત્ય  કરતો મટી,  સહિષ્ણુ  માનવ બનું.

———-

ગુંજન

Posted in કાવ્યો by saryu on November 12th, 2008

ગુંજન

કોઈ   મીઠી યાદ  લઈ  આવે  મન ગુંજન

કોઈ મંજુલ સાદ લઈ આવે  ગીત ગુંજન–

તરુણ દિલ મસ્ત સાંજ કુસુમલતા કુંજન

અણજાણ્યા અણધાર્યા પ્રેમ અશ્રુ અંજન–

રોમાંચક રતિ પ્રિયા રજની  મધુ  રંજન

શ્રાવણના   ઝરમરમાં   ભીંજાયુ    ખંજન–

ભક્તહ્રદય ભક્તિલીન આરતી ને પૂજન

રામ રટણ   દિનચર્યા  રોમરોમ  ઝુંઝુન–

દુઃખ જનની વાસનાનો મોહભાવ ભંજન

સહજભાવ   સર્વત્યાગ   કંચન   કે   કુંદન–

જ્ઞાન ને વૈરાગ બેઉ આધ્યાત્મિક વ્યંજન

બ્રહ્મનિષ્ઠ   યોગીનુ    આત્મરત    ગુંજન–

મહાભારતના પાત્રો-Characters of Mahabharat

Posted in કાવ્યો by saryu on November 1st, 2008

મહાભારતના પાત્રો

IMG_0413

મહાભારતના પાત્રો

જીજ્ઞાસુ અર્જુન ગીતાનો   જ્ઞાનપ્યાસમાં    વિચરે
દ્રોણાચાર્ય  હું   બની ફરું     ગત   કર્મોના  સંસ્કારે

 આ દુર્યોધન  જે  વસે મહીં,    કામ ક્રોધ   આધારે
મન સત્તાધારી ધૃતરાષ્ટ્ર જે મોહવશ થઈ રાજ કરે

 માયાળુ ને પ્રેમભર્યા એ  ’હું’ કર   ભીષ્મ દુઃસંગ કરે
સમતા જ્ઞાન   વિવેક  છતાંયે  કુરુકાંત  આસક્ત રહે

 પાંચ ચક્રને જાગ્રત કરતી  પાંચાલી વશીકાર બને
 કૃષ્ણ એ મારો અંતર આત્મા  નહીં  રે  મંદિર મંદિરે

કુરુક્ષેત્રની   લખી   કહાણી   અનેક    પાત્રો   વાળી
મુનિવ્યાસ તમ વાર્તા  શૈલી  ગહન અતિ મર્માળી

——————————

The Bhagavat Gita: Paramahansa Yogananda
Arjun of the Gita, who is gentle and ever curious to learn for the betterment of Self.
Dronacharya is the instilled character based upon our past life experiences.
Duryodhan is the symbol of our desires and resulting anger within us.
Dhrutarashtra, the blind father, is the infatuation which obscures our judgment.
Bhishma, our ego, is kind and loving with discriminative intelligence,
                    who remains entangled with the ego centered activities.
Panchali  i
s the life force who awakens the spiritual goodness.
Krishna is our soul within, can not be found in temples.
The story of Kurukshetra is the body field.
Muni Vyaas has written a wonderful story of many characters with very deep
                  and subtle meaning.

અર્જુનઃ સાધક saadhak.       દ્રોણાચાર્ય: સંસ્કાર sanskaar.
દુર્યોધનઃ કામના kaamana.    ધૃતરાષ્ટ્રઃ મોહાંધmoh-andh.
ભીષ્મઃ અહંકાર ego.     પાંચાલી, દ્રૌપદીઃ કુંડલિની kundalini.
કુરુક્ષેત્રઃ શરીરક્ષેત્ર sharirkshetra.

                      મારી સમજ અનુસાર, નમ્રતાપૂર્વક-Saryu



Type in
Details available only for Indian languages
Settings Settings reset
Help
Indian language typing help
View Detailed Help