Archive for March, 2013

Posted in કાવ્યો by saryu on March 20th, 2013

પ્રિય સરયૂબેન,

આજ રોજ આપની રચના “ભીતર” સબરસગુજરાતીની સાઈટ  પર પ્રગટ કરવામાં આવી છે જેની આ લિંક છે.
http://www.sabrasgujarati.com/4740/

કલ્યાણી વ્યાસ
સબરસગુજરાતી વતી

| Comments off

ભરોસો

Posted in કાવ્યો by saryu on March 9th, 2013

ભરોસો
સપ્તપદીના  સાત  પગથિયાં  અનેક   વચને  જોડે,
આગળ   પાછળ  ચાલી  ચાલી  જીવન  રાહને   મોડે.
પ્રશ્ન પ્રભાવિત નયણાં મંજુલ  વિરહ  વ્યથામાં  બોલે,
“ભલે  દૂર  જાઓ સાજન, પણ દિલમાં તો રહેશો ને?”

વર્ષોના  વહેતા  વહાણામાં ખર્યું  પાન  સૌ   વિસરે,
થઈ  પારેવા અહીંતહીં માળે, ભલે  દૂર જઈ  વિચરે,
ઘરડી આયુ, એકલતામાં સ્થગિત  સમય ના નીસરે.
“બેટા! જ્યારે  જરૂર  પડે તઈં  સાથે  તો રહેશો  ને?”

સાવ  સુંવાળી  આંગળીઓ  આ પુખ્ત હાથને  પકડે,
ક્યાં  લઈ  જાશો  પૂછી પૂછી  એ  મહામાતને  ઝકડે.
કોમળ  ચહેરો  ઉપર  ઊઠીને  ઓષ્ઠ  પાંદડી  ખોલે,
“નાની! જ્યાં ત્યાં જઈએ,મારી સાથે તો રહેશો ને?”

સંવેદનશીલ  સવાલ  પ્રિયના ત્રસ્ત  તરંગ  જગાડે,
સાથે    રહેવું    કે   ના   રહેવું,      સંજોગો    સંચારે.
“ઓજલ  અશ્રુ  ધારે  તું   રુદીયાની  વાત લખી  લે,
   પ્રિય!પરત આવીશ દોડી, આ એક વચન વાંચી લે.”

——-
જુદા જુદા સંબંધોના વિરહ, અને ફરી મળવાના વચન  વિશ્વાસની, પરીક્ષા.

માનવ મેળો

Posted in કાવ્યો by saryu on March 2nd, 2013

માનવ મેળો

વિચાર  વર્તન  વાણીનો  આ  કાચોપાકો  બાંધો છે,
સાંધામાં  પણ  સાંધો  છે  ને એમા સૌને  વાંધો  છે.
જીવ જીવ કોઈ ચોરી ચળવળ  ચર્ચામાં બંધાયો  છે,
ઊજળો  રસ્તો  જોઈ  શકે ના એવો આ અંધાપો  છે.

મનબુદ્ધિનો  લગાવ ધાગો અળવીતરો અટવાયો  છે,
ભરી ભોમમાં પાંચ જણા સંગ મ્હાણકરી સંધાયો  છે.
કૂપમંડૂકનો  સ્થિર નીરમાં  અવાજ  બહુ  રૂંધાયો  છે,
સ્વાર્થ  સલામત  સુવિધા સર્જિ, અંતે એ મુંજાયો  છે.

સહજ સરળ ને શુધ્ધ ટકે ના એવો વા સૂસવાયો  છે,
કરમ  કુંડાળે   ફરતો   દોડા  દોડીમાં    રઘવાયો   છે.
સ્વપ્ના   સંતાકુકડી  ખાલી  પડછાયો  પકડાયો   છે,
સમય   સરંતી  રેતી  સાથે  અંગત આજ પરાયો  છે.

જાણી  શકે  તો  હકાર  હેતે   હોંશે   સંગ  સુમેળો   છે,
માણી શકે તો આ જીવન એક મસ્તજનોનો મેળો  છે.

————-

 



Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.