Archive for August, 2015

ઊર્મિલ સંચાર

Posted in કાવ્યો by saryu on August 5th, 2015

ઊર્મિલ સંચાર

આવી એક ચિઠ્ઠી, મેં મોતીએ વધાવી,
લીટીના  લખાણે  મેં આરસી મઢાવી.
જત કાગળ  લઈ લખવાને બેઠી,
મારી  યાદોને  અક્ષરમાં  ગોઠવી.

ભોળી   અવનીને  સાગરની  રાહ,
લહેર  આવે, આવે ને   ફરી  જાય.
પરી મહેલમાં  એકલી હું બેઠી,
મારી  યાદોને  રેતીમાં ગોઠવી.

મારી   ધડકનને   પગરવની  જાણ,
નહીં  ઉથાપે  એ   મીઠેરી   આણ.
કૂંણા કાળજામાં હઠ લઈને બેઠી,
મારી યાદોને નયણામાં ગોઠવી.

    સૂના   સરવરમાં    ઊર્મિલ    સંચાર,
કાંઠે   કેસૂડાનો   ટીખળી   અણસાર.
ખર્યા   ફૂલોને    લઈને  હું  બેઠી,
મારી  યાદોને  વેણીમાં   ગોઠવી.

મારા  કેશ   તારા  હાથની   કુમાશ,
ઝીણી  આછેરી   ટીલડીની   આશ.
શુભ સ્વસ્તિક ને કંકુ  લઈ બેઠી,
મારી યાદોને આરતીમાં ગોઠવી.

——

| Comments off


Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.