Archive for August, 2011

જાણી ન જાય

Posted in કાવ્યો by saryu on August 24th, 2011

જાણી ન જાય

મને સૌ જાણે પણ કોઈ  મને  જાણી  ન જાય,
વરદ વાણીના વખાણ, ભાવ જાણી  ન જાય,

જૂઠાની     જાનમાં    નાચગાન         થાય,
પછવાડે     લેણ દેણ    માવતર     મૂંઝાય.
રૂપાળુ       અંગરખું        મોભે       હરખાય,

ફાટેલી     ફેંટ     રખે     બ્હાર    ન   કળાય.

ઘોડે      અસવાર    એના    તાણેલા    તાસ
કાયર   છે   કંથ    કોઈ  ઓળખી   ન    જાય.
ચમક  દમક    ચૂંદડીઓ    મોંઘી     દેખાય,
મોઘમ   એ  વાત,  મૂલ્ય    જાણી  ન   જાય.

ત્યાગ     ને   વૈરાગ્યના    પૂસ્તક    વેચાય,
ભગવા   એ    ભેખમાં      સ્વામિ      પૂજાય.
કાંચન    કામિની     જ્યાં    મધરાતે   જાય,
દીવો     બુજાય     કોઈ      જાણી    ન   જાય.

સુંદર   આ  આંગણ  ને   ચોખ્ખી   પરસાળ,
પાછળની    પોલને      પિછાણી    ન   જાય.
વટ્ટની    વાતુ    ને   વળી    શોભા    દમામ,
મ્હાંયલો   મૂંઝાય    કોઈ  પામી   ન    જાય.
——–

પુસ્તક-“નીતરતી સાંજ Essence of Eve”

Posted in Uncategorized by saryu on August 21st, 2011

Nitarati sanj-PDF       <click on પુસ્તક “નીતરતી સાંજ Essence of Eve”
It gives me a great pleasure to inform you all that Saryu’s book “Nitrati Sanj –Essence of Eve” has been published. The whole book can be viewed online and the link is :    www.saryu.wordpress.com

Vimochan-final વિમોચનઃ ભાવનગરમાં ૯/૨૫/૨૦૧૧

 

પરાવર્તન

Posted in કાવ્યો by saryu on August 1st, 2011

પરાવર્તન

એક    કિશોરી    કરતી     ભૂલ
ખૂંચતી   રહે  જનમભર   શૂલ

મા  એને   મંદિર લઈ   જાતા
બાપુ    મહત્   મુખી  કહેવાતા
સહજ હતા  સુખ ને સગવડતા
મોજ   શોખ   એને   પરવડતા

અધ્યાપનમાં આગળ ભણતા
મુલાકાત  થઈ   હરતા  ફરતા
યૌવન  જોમ  હ્રદયમાં  છલકે
સપના   ખુલી  આંખમાં  હલકે

ભોળુ  મન    લલચાવે    વાતો
હિંદુ  મુસ્લીમ   વીસરી   જાતો
ઉંમર    ભેદ   ને    જૂઠી     શર્તો
લેતી   માત્રિ   વિરોધી   રસ્તો

નવો   દેશ ને પતિ પાવરધો
પિંજરમાં   એના   વિતે  વર્ષો
બાળ  શિશુસહ ઉદાસ   આંખો
છૂટવાને     ફડફડતી    પાંખો

મ્હાણ  પકડતી હાથ અજાણ્યા
આત્મજ્ઞાન    શ્રધ્ધાને  જાણ્યા
સપ્તપદીના સાતવર્ષમાં
બન્યા હતાં જે  સાવ અજાણ્યા

મડાગાંઠ   જે    પડી     ગયેલી
ખુલી   તોય  ગૂંચવાઇ   પડેલી
ખેંચતાણ     ને      જોરા  જોરી
વચમાં   બાળક  પરવશ  દોરી

સુલજાવીને      વિકટ     વૃત્તને
લઈને     ચાલી      બાળપૂત્રને
જાગ્રત  છે  એ  આજ  પછીથી
નહિ   આચરવું  જૂઠ    મતિથી

અંતર    અગ્નિ     હૂંફ    આશમાં
ઉજ્વલ   ભાવિ  નવા સાથમાં
આસપતંગની    સૈર   સપટમાં
સ્થીર   ચરણ   ને  દોર હાથમાં

———-
બાળક લઈને જતા રહેલા ક્રુર પતિ પાસેથી, નવા અમેરિકન પતિની મદદથી કુનેહપૂર્વક, કાયદાસાથે ભારતથી બાળકને પાછો લઈ આવતી માતા.

| Comments off


Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.