Archive for September, 2008

બાંધછોડ

Posted in કાવ્યો by saryu on September 24th, 2008

બાંધછોડ

સરોવર છોડીને પ્યારા! ચાલને પર્વત પરે
નવકેતન વસવા  હવે જૂનું  ઘર તજવું પડે–

સ્વપ્નને સાકાર  કરવા સ્વામિનો સંગાથ હો
માવતરના   આંગણાની   હુંફને   જરવું   પડે–

પાઈને   પીવા  સખી!  અમીના   બે  ઘૂંટ   હો
વૈરનું   ભારી   ભરેલું   વિષ   ઓળખવું   પડે–

સત્યના    સાતત્યને  આ   દંભના  દેખાવથી
સાચને   સાંચવી   જાનમ!  જૂઠ તારવવું પડે–

મૃગજળની  મોહિનીથી  મુક્તિનુ હો  ઉડ્ડયન
માંયલી   ભ્રમજાળને  તપ   કરી  તરવું   પડે–

——-

———————-

Move from Lakes of Brightwater to the Hilly Austin

રુક્ષતા

Posted in કાવ્યો by saryu on September 11th, 2008

રુક્ષતા

લીલાછમ  ખીલેલા  બાગમાં
અકારણ   વૃક્ષોની   શુષ્કતા
            
એવી સાજણ તારી રુક્ષતા

ખુશખુશાલ વારિના  વ્હેણમાં
ધારદાર પથ્થરની તીક્ષ્ણતા
          
એવી સાજણ તારી રુક્ષતા

પૂર્ણ   ચંદ્ર ખીલ્યો આકાશમાં
કાળા   વાદળની    નિગ્રહતા
            
એવી સાજણ તારી રુક્ષતા

તીરછી    નજરુનાં    ઉમંગમાં
કોરા   નયનોની   નિરપેક્ષતા
           એવી સાજણ તારી રુક્ષતા

 લંબાતો  હાથ  સ્નેહ સ્પર્શમાં
સૂનમૂન  મુઠ્ઠીની    નિશ્ચેષ્ટતા
        
એવી સાજણ તારી રુક્ષતા

સુખ-અક્ષર જીવતરના પ્રૃષ્ઠમાં
રુસણાંના    ચેકચાકની    વ્યથા
              
એવી સાજણ  તારી રુક્ષતા

——————————————————————

| Comments off

નિખાલસતા

Posted in કાવ્યો by saryu on September 6th, 2008

IMG_0641

નિખાલસતા

 કર્તા   ને  ભોક્તાનો   વ્યથિત   મનભાવ
અહંકાર   પ્રેરિત   મનવૃત્તિ     પ્રતિભાવ
વિચારોના વમળે   ચકરાવે    ચિત્તનાવ
દીનહીન     વાસનાને       ડંખે    અભાવ

 અહંમ   ને    અપેક્ષા    અટકાવે     આનંદ
જ્યમ, કંટક  હો કંઠમાં,  ભોજન   બેસ્વાદ
‘ હું ‘    સાંચો      સતવાદી     વિતંડાવાદ
સ્વાભિમાન    નામે    વૈર   ને   વિખવાદ

 વિક્રાંતિક   વાણીમાં    અક્ષર    મૂલવાય
શબ્દોના    અર્થોમાં      પંડિત    અટવાય
મિતભાષી નમ્ર ગુણી વ્હાલથી મલકાય
સ્વચ્છ સ્ફટિક અંતરમાં ભક્તિ છલકાય

——————– 



Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.