રુક્ષતા
Posted in કાવ્યો by saryu on September 11th, 2008 
રુક્ષતા
લીલાછમ ખીલેલા બાગમાં
અકારણ વૃક્ષોની શુષ્કતા
એવી સાજણ તારી રુક્ષતા
ખુશખુશાલ વારિના વ્હેણમાં
ધારદાર પથ્થરની તીક્ષ્ણતા
એવી સાજણ તારી રુક્ષતા
પૂર્ણ ચંદ્ર ખીલ્યો આકાશમાં
કાળા વાદળની નિગ્રહતા
એવી સાજણ તારી રુક્ષતા
તીરછી નજરુનાં ઉમંગમાં
કોરા નયનોની નિરપેક્ષતા
એવી સાજણ તારી રુક્ષતા
લંબાતો હાથ સ્નેહ સ્પર્શમાં
સૂનમૂન મુઠ્ઠીની નિશ્ચેષ્ટતા
એવી સાજણ તારી રુક્ષતા
સુખ-અક્ષર જીવતરના પ્રૃષ્ઠમાં
રુસણાંના ચેકચાકની વ્યથા
એવી સાજણ તારી રુક્ષતા
——————————————————————
