ગંગોત્રી-SARYU PARIKH

 ચિત્રઃદિલીપ પરીખ

અપેક્ષા-એક ડગલુ આગળ

અપેક્ષા  સુશીલા   સુમતિ    સંતોષ
  ચાર     સહેલીમાં    એક    રસદોષ
  આગવી  અપેક્ષાની  જીદ   હરદમ
  “આગળ હું  ચાલીશ   એક કદમ”—

 સુમતિ   સુશીલાનો  સીધો   સહકાર
  સુખી    સંતોષીનો   મીઠોં    આચાર
 આશા ત્યાં આવી ને  લાવી  વિચાર
 ”ક્યાં છે મેં ઇચ્છેલું, છે કંઇ દરકાર?”—

  સર્વેશું ન્યોચ્છાવર, કાળજીની  કોર
પણ નાનીશી નખલીમાં ખટક્યો છે દોર
  સુજ્ઞા   સંતોષીનું  ચાલ્યુ   ના  જોર
  મતલબી   અપેક્ષા   દોડી   છે  મૉર—

સુમતિ  ને  શુશીલા  ઝાલે   રે   હાથ
સંતોષી    ચાલે     અપેક્ષાની     સાથ
હસી  મળી રોજ   કરે   ઇચ્છા    કમજોર
ચારે સાહેલીઓની દોસ્તી કંઇ ઓર 

——-

 ચંદ્રમા

ઊંચેરી   ટેકરી   ને   ઊંચો   આવાસ
પાછલી   પરોઢનો   નિર્મળ   ઉજાસ
આછેરી  ઊંઘમાં   મંજુલ    આભાસ
     ટહુકો  હું સાંભળુ,   જાગ્યો ‘બિશ્વાસ’

ઉમંગે  ઉઠી  આવી  હું   લેવાને બાળ
ચકિત બની  ચંદ્રમાને  જોઇને બહાર
નીરવ સૌમ્ય અંબરને તારલાની હાર
     મસ્તાની   ચાંદની   મોહે    મન બહાર

લાગણીની   લહેરો   દિલમાં લહેરાય
દૂર   દેશ   દેવા   સંદેશ    ઉડી    જાય
પ્રિયત્તમ! આ ચાંદની ને મીઠેરો ચાંદ
      અર્પે  છે  મધુરી  અમ જીવનની  યાદ