રેડવુડ ફોરેસ્ટ-Redwood Forest-California
Posted in કાવ્યો by saryu on July 11th, 2007 આજે જોયું કુદરત ખોળે મહાભવ્ય મંદિર
અદભૂત આ અનેરુ સર્જન અજોડ સર્જનહાર
ક્યાંથી આરસ પહાણા લાવ્યા ક્યાંથી આ મીનાર!
ક્યાંનુ સુંદર કોતર કામણ ક્યાંના આ ચીનાર!
અહો રે, આ તો કુદરત કર્તા કલાકાર છે ઇશ
ગગન ચૂમતા પહાડો ફૂલો વૃક્ષો ચારે દિશ
મનમંદિરમાં શાંતિ પામું ઘેઘુર ઘન વનરાય
પથ્થર લાવી બાંધે એવા મંદિરનુ શું કામ?
આરસ પથ્થર મોટું મંદિર કકળે મંહી ભગવન
રજ કણ જનમાં દર્શન થાતા મારા પરમાત્મન
જુઓ જુઓ કુદરતને ખોળે મહાભવ્ય મંદિર
પળ પળે એ રચી રહ્યો છે વિશ્વ મધુવન સુંદિર
Powered By