ખીલું ખીલું
Posted in કાવ્યો by saryu on January 16th, 2018 ખીલું ખીલું
હતું ગીત કો અધૂરું ઘર સૂનું સૂનું,
બધું લાગતું હતું જરાક જૂનું જૂનું.
આજ દિલમાં ગાયે કોઈ ધીમું ધીમું,
હાસ્ય હોઠમાં છુપાવું હું મીઠું મીઠું.
સખા, સુખડ સુવાસે મન ભીનું ભીનું,
ઝરે ઝાકળ ઝીણેરી તેને ઝીલું ઝીલું.
ફરી હેતલ હરિયાળીમાં લીલું લીલું,
એની નજરોનો આસવ હું પીઉં પીઉં.
મારે નયણે સમાય આભ નીલું નીલું,
સ્નેહ કોમળ કળી કહે ખીલું ખીલું.
——
