ગંગોત્રી-SARYU PARIKH

કૂંપળ

Posted in કાવ્યો by saryu on March 22nd, 2007

કરમાતી વાસંતી વેલ
હાય! મારી ધીરજ ખૂટી
જીવન ને મૃત્યુના ઝોલામાં
હાશ! આજ કૂંપળ ફૂટી

ઓચિંતા એક દિન દીઠી
ને મરડીને યાદ મીઠી ઉઠી
વાવેલી બાપુએ જતનથી
ને વીરાએ નીરથી સીંચેલી

કોમળ કલાઈથી ઝૂલાવી
ફૂલો હું વીણતી ગુલાબી
અદકા આનંદથી ગુંથેલી
તરસુ પળ પામવા વિતેલી

કાળજી કરીને એને કાપી
ભાવેણી ભગિનીએ આપી
વાવી, વિલસી, પણ શીશીરે સતાવી
મુંજાતી શરમાતી જાય એ સૂકાતી

પણ આજ,
પ્રીતમના મોંઘેરા વેણ સમી
હાશ! નવી કૂંપળ ફૂટી
————–