અંજલિ
Posted in કાવ્યો by saryu on December 8th, 2010
અંજલિ
ઠંડી ગરમીની મીઠી રકજક રસતાલે
ઊડ્યો ગુલાલ શીત સવિતાના ગાલે
રમતો રે તેજપૂંજ ધરતીની ધારે
ગરવું હસીને સરે સૂરજ સવારે
રજનીની ઓઢણી સરતી સંચારે
જડચેતન સંગત સુચારુ સંસારે
સમભાવે કિરણો સ્પર્શે સમતારે
હુંફાળો હાથ ફરે આશા મનતારે
વર્ષાની વાછંટ ને વાદળ વણજારે
રૂપાના બરફફૂલ ચાદર પથરાવે
સુણતા ભાનુરથના રંજન રણકારે
સંકેલે ગાલીચા જયજય જયકારે
ચેતનનો ચંદરવો સોનેરી જરજરી
અંશુમાન આંગણ અંજલિ અભર ભરી
———-
અંશુમાન=સૂર્ય
hemapatel said,
December 9, 2010 @ 8:47 pm
ચેતનનો ચંદરવો સોનેરી જરજરી
અંશુમાન આંગણ અંજલી અભર ભરી.
ખુબજ, ખુબજ સુન્દર, બહુજ સરસ શબ્દોની સજાવટ સાથેની રચના.