ચિત્ત શાંતિ
Posted in કાવ્યો by saryu on June 5th, 2010 
ચિત્ત શાંતિ
વાતા વંટોળના મોઘમ ઘુમરાવામાં,
એક એક પાંદડું વીણું
રે સખી! એક એક પાંદડું વીણું….
ચિત્તના ચકરાવામાં, ઝડપી આ જાળામાં,
પૃથક આ પહેલીઆ પીછાણું,
રે સખી! પૃથક આ પહેલીઆ પીછાણું…..
વીત વીતને વાગોળી નમ્રતાથી સમજાવું,
ક્ષમા મંત્ર મનમાં મમળાવું,
રે સખી! ક્ષમા મંત્ર મનમાં મમળાવું…..
તારા કે મારા કો’ ખરતાં રુહિ ફૂલોને,
ઓશીકું આપી સૂવરાવું,
રે સખી! ઓશીકું આપી સૂવરાવું…..
ચિત્તની ચંચળતા છર, અંતરની ભાગદોડ,
અચર તર્પ કોઠે પ્રસરાવું,
રે સખી! અચર તર્પ કોઠે પ્રસરાવું,
એક એક સપનાની સંપૂરણ દીપ શગ,
શાંત મધુર લયમાં વહાવું ,
રે સખી! શાંત મધુર લયમાં વહાવું….
———–
રુહિ=આંખનો ખૂણો, તર્પ=સંતોષ
hema patel . said,
June 7, 2010 @ 12:46 pm
કેટલુ સુન્દર કાવ્ય !