અધ્યાત્મ
Posted in કાવ્યો by saryu on May 26th, 2010 અધ્યાત્મ
એક પગલું આગળ ને બે પગલાં પાછળ,
એવી અધિ આતમની ગતિ સતસંગી,
એવી અધિ આતમની ગતિ….
આજ લગી જાણ્યુ’તુ સંસાર એ જ સર્વસ્વ,
કેટલાં જતનથી જીરવેલું વર્ચસ્વ,
સાધન હું એને બનાવું રે સાધુ,
એવી અધિ આતમની ગતિ….
સુંદર મુજ આવરણ સજાવ્યુ સર્વોત્તમ,
અંતરનુ મંદિર ને વસતાં ત્યાં પુરુષોત્તમ,
અક્ષર આ ક્ષરમાં સમાયું રે સાક્ષર,
એવી અધિ આતમની ગતિ….
ક્વચિત એ મંદમંદ ક્ષણમાં એ તિવ્રત્તમ,
શરીર મન બુદ્ધિની પગથીની ઉતર ચડ,
ઉગમ આગ મૂલાધાર લાગી રે ગુરુજી,
એવી અધિ આતમની ગતિ….
——–
