અજંપાનો તાગ
Posted in કાવ્યો by saryu on April 24th, 2007 અજંપાનો તાગ
સર સર આ સરતા સમયની પરછાંય
સરળ સહજ આરસી પર આવી પથરાય
ઉરમાં અજંપાનો ભાર
કેમ આવે અજંપાનો તાગ?
ગૂંથ્યું મેં આવરણ મદમાતો અજ્ઞાની
કામ ક્રોધ લોભ મોહ લાદે છે મહામાની
ઉતારી ફેંકો આ આવરણ
તો આવે અજંપાનો તાગ
ક્લેશપૂણૅ કરકામણ દુરાચારી હિંસાનુ
દ્વેષપૂણૅ દિલ લેતા સાધન આ જીવ્હાનુ
ભક્તોના ભાવ ના દુભાવો
તો આવે અજંપાનો તાગ
અંતરને ઓળખુ ને વિદ્યાને વાગોળું
ભણી ગણી શાસ્ત્રો ને જીવનમાં ઓગાળું
વાંચેલું આજ જીવી જાણું
તો આવે અજંપાનો તાગ
———–
તાગ=અંદાજ,માપ
